La i a vint ans Guiaude Sicre e los autres musicaires dal Conservatori Occitan de Toulouse venion chasque istà a sonar dedins las Valadas occitanas en Italia. Al mes de julhet dal 1987 Sicre retornet a lo Rescontre Occitan de Bobbio P. e tuchi aquei que agueron la possibilitat de l'escotar se renderon conte que carcosa de novel se pasava abo la musica occitana. Encomençava apopres alora la vita musicala de i "Fabulos Trobadors", lo premier grop que sortese dal clichè de la musica tradicionala occitana, per durbir a lo rap, e a tan d'autras esperienças musicalas.

Eira los "Fabulos Trobadors" son de celebritats, i lor disques se retrobon dappertot. Vien de pareiser lo lor darier disc salutat da: Telerama, Líberation, Le Figaro, L'Indipendant, The European, Il Corriere della Sera,  La Tribune de Genève, New-York Times...!