Apres de aver fach part per sinc an de la Coumisioun rejounalo d'la lege numbre 26/90, e aver rapresentà en te aquest ourganisme les asouchasioun culturales ousitanes (erou sta senhalà -se la memorio me manco pa- al Counsei Rejounal dal Piemount, da l' Asouchasioun Lou Soulestrelh, da Primalpe, dal Centre Ousitan de Coulturo Detto Dalmastro), e vist que lou miou encaric al es finì, voulariou serchar de far en pichot bilanchou, de acò que les està fach.

Per encoumensar chal que me desmentie pa de ricourdar que justo apres de la primo reunioun, iero està 'na groso descusioun per far l'Istitutou d' Estudi Ousitan. L ' oucazioun iero venguo a tai per far n' encountre, counvoucà da la Rejoun, per vèire se iero la pousibilità de aranjar 'es cozes, de butar en paou de acordi tra 'es diverses animes culturales e poulitiques di ousitan. Apres de 'na reunioun facho din lou palais dal Counsei Rejounal, l'ero pa està pousibil de troubar 'na soulusioun. Desmentià la questioun, 'es diverses asouchasioun an mai encoumensà siou travai. Dizariou que da alouro 'es questioun e en certou tipou de atejament anque da part de i piemountes soun chambias. Que voulariou dir embou acò? Al moument. Lezìou en t'aquisti journ de l'esperienso facho ental 1979 da i ousitan escaize tuchi unì, de presentar de candidà per les elesioun europees de sout a lou simboul de l?union Valotaine, e que justo n'an apres (1980), per lou Consei Prouvinchal de Couni, mac pus 'na pichoto (?) part de ousitan presentavo souo listo. Beicant i dui rizultatou, descoubriou que per 'es elesion europees la listo unitario avio agù ent'es nostes valades 'na descreto prezenso, ma que n'an apres 'es cozes eren pa pus ànas a l'isteso manìro.

Me esmeo de entende que couro i ousitan anaven dacordi carcozo de bon l'ero està semnà. Coumo se sien presentà separà les questioun soun anà coumo tuchi sabèn. La reounioun  facho din lou palais dal Counsei, les pa finìo embou n'acordi, (ìes està encaro 'na porto duberto) ma la sitouasioun ìes chambià. En ti an apres 'es cozes soun pa àanas miei, ma soun pa anas pejou. Dedin la coumisioun la minouranso (en tuchi i sens) ousitano, forse ìes estàa "na brizo de pu counsideràa, e lou metre que a s'es doourà per "leze" 'es nostes doumandes, forse na brizo menou strech. La questioun l'ero que nous ousitan anen pa dacordi per lou gust de ruzar, que les questioun forse èren de pu persounales que de soustanso. Fach counouise que la storio l'ero pa propi aquelo que carcun nous charjavo, ma en paou de razoun i eren decò, i piemountes, e pa mac, de la coumisioun nous an vist en bou n'aoute uei. La prezenso ousitano din la Coumisioun Rejounalo les està soustenuo mac da dui rapresentant (su des) ma la pichoto dispounibilità.de la Rejoun, ia pa penalisà la nosto minouranso e les nostes asouchasioun. Mentre i sordi a dispousizioun, soun està sempre aquìei, ìes nostes asouchasioun o an agù l'estes o encamai. Chal que se desmentìe pa, que les doumandes de nostro minouranso soun 'co pa creisue, contro 'n'avansament d'es doumandes de iaouti group. Embou acò vouliou que se counouises en paou acò que les està lou rizultatou que toutes 'es asouchasioun an portà a souo sacocho.

Embou en gouvern de drecho, per i an da venir, sarè dificil outene encamai de atensioun, ma sarìo necesari far 'n'asioun tuchi ensem per far carcozo de pu per nosto minouranso, encoumensant propi da  la  lege rejounalo numbre 26/90.  Aquelo Coumisioun ies scadùo, ma primo de finir miou travai ai vourgù remarcar lou besogn que i

sario de far verament encamai per nosto minouranso butant per aùro d'en cant la questioun poulitico. Coumo se dezio, "tucho laisar l'aigo anar chabal", en jour venarè que se poularà razounar decò d' la questioun poulitico e de en mouviment que tuchi a poulese countentar.