Lo 12 e lo 13 de novembre passat s'es tengua a Caurs, dins lo Querci, l'Ammasada generala de l'Institut d'Estudis Occitans. Apopres 150 i membres present a n'aquel rescontre de la mai emportanta de las organisacions occitanistas. Era tamben presenta una delegacion da las Valadas occitanas.

   A l'ordre dal jorn lo raport moral sus un an de trabalh de l'Institut, lo raport economic e l'elecion dal novel Consel d'Administracion de l'I.E.O.

   Chal dire que desot la presidencia de Robert Martì, presidencia que dura despei carqui ans, l'Insitut coneis una fòrta unitat d'action e a despassat las divisions enternas que l'an marcat per tròpi ans. L'I.E.O. es organisat apopres sus tuchi i departaments occitans, es present en Val d'Aran e dins nostas Valadas; contia apopres 1300 aderents.

   Lo rapòrt financiari de l' Associacion dona d'intradas per 795.000 francs (apopres 238.500.000 liras) e d'espesas per 780.000 francs.

   L'amassada de Caurs a pei elegit lo novel Conselh d'Administracion, que abo Robert Martì, confirmat President, veiarè: Bernat Bergé, Eric Brunièr, Patric Delmas, Claudi Moliner, Joan-Francés Blanc, Micheu Chapduelh, Felip Cosiniér, Gilabert Narioo, Jòrgi Peladan, Anna Maria Poggio, Patrici Pojada, Alan Roch, Joan-Glaudi Sèrras, Joan Sibille, Jan-Marc Simeonin, Joan Thomàs, Jaume Taupiac, Eliana Tortet,  Bernat Vaton, Pèire Venzac.