Un'estòria de Tristan Bernard, reviràa en occitan

Prima parte

"'I abitants de l' Uandsi, grand teritòrì que al se tròba entra 'i laus Rodòlf e Vitòria-Nianza, ilh son, entra 'i antropòfags de l'Africa centrala, aquels que melh an sabut butar ensem l'abituda dal canibalisme abo' 'i gòis de nòstra civilitat.

Una delegacion de l'Uandsi, d'apres un sejòr de qualcas semanas ent lo jardin d'aclimatacion, a menàa arer en son pais de enteressants costums europencs. Parelh ent lo Uandsi la sobranitat ilh es tiràa a sòrt, coma la se fai per la sobranitat dins lo temp de parissia.

La torta tradicionala de pasta esfuèlha ilh es remplaçàa da una femna ben jove, emprenhàa de trei rnes, que ilh ven serviàa en salmì. L'òme astros que al a ganhat al ven proclamat rei per un an, e l'es el que, coma comanda la Costitucion, al a l'encharge de parelhar trei mes denant que finis son reinh, un'autra femna per lo jorn dal rei que venaré.

Per esre mai segur, chasque an ilh n'en parelhan trei o quatre".

Aquest article dal "Monitor d'as esploracions e descubertas" al m'avia enteressat un baron. Ent aquel temp mon esprit jove, arapat dal res-coneissut, s'entusiasmava al cuènt d'as empresas d'i Livingstone e d'i Stanley. Mon pantalh mai grand l'era d'anar a veire qualcas tribus de antropòfags.

Franc enlora avio sabut que lo dotor Pionnier, lo conferencier ardit, cinc viras laureat a l'Academia d'as Sienças al era prest a partir en mission per l'Africa centrala, abo' un but geografic e umanitari jont.

La se faisia demanda a tuits 'i joves de bòna volontat, que ilh auguesson bòna sanetat, garets durs, e trei mil francs per sostenguer 'i besonh de l' espedicion. Parelh lo dotor Pionnier al avia butat ensem set joves de bonà  familha que ilh avion menat vintun mil francs.

Just que lo dotor l'era un galantòme, abo' ' i suèuds al avia barrar delònc de velhs debits de juèc. Come disia lo manifest, una vira donat nòstri trei mil francs aviam lo viatge paiat en prima classa da Marselha a Zanzibar.

Mas lo jorn que chalia partir lo dotor Pionnier al avia parlat long temp abo' lo capitan dal vapor "Vila d'Aubervilliera", que al nos devia menar fin a Zanzibar. Apres lo dotor al era vengut da nos-autres per dir-nos que un viatge tròp comòde al nos avaria mal parelhat a fatigas que l'espedicion avaria trobat.

Per aiçò avariam dormit ensem a 'i òmes l'equipatge e avarim donat de pichòts servicis a la nau coma cusiners foganhers.

Lo 16 d'abril sem finalment arubats a Zanzibar, famosa vila que ilh se sòna parelh per tota la jent ilh passa lo temp a beure dins 'i bar.

Aquì lo dotor Pionnier al avia fair una nòva demanda de fonds, e aviam butat ensem, desvuèdant las nòstras buèrbas, encara setmil seicent francs, que lo nòstre cap al avia delònc usat per piar d'autres  debits de juèc que al avia fati entramanter lo viatje de sobre lo nau.