Sande premier de mai e la diamenja après a Buèbi, organisat per l'Asociassion Ousitanio Vivo, en colaboracion dal Grop local La Goure Matte, al s'es tengut un estatge dediat a l'aprofondiment de la grafia alibertina, o autrament dita de l'Institut d'Estudis Occitans.

Relaors, o per melh dire, obriers de cesta "dos jors de lenga": Felip Martel de Bacelona (Barcellonette), Jean Michel Efantin de sant Donat en Droma e lo sotoscrit.

Après un benvengut dal caire dal Sendic Charbonier, avem fait ren que descutar sus l'istoria de la lenga, sus sas realisacions foneticas e sas enterpretacions graficas, abo un gròs entereci dal caire dals partecipants.

Entre los presents un parelh de occitanistas de l'LE.O. de las Autas Alpas; en particulier la Segretaria Eliana Tortet nos a convidats per lo mes de novembre a Gap, dont se debanarè l'Amassada Generala de l'LE.0.. Una bona ocasion per rescontrar de monde e per far un pauc lo ponth sus que se fai e saria bon de far en Occitania.