Lou Syndacat Occitan de l'Education ha dubert, lou mes d'abril pasà, lou proublemo de "l'exil de i-ensenhaire ousitan", escazi sempre mandà a trabaiar dedin i-escoles dal Nord de la Franço.

Lou S.O.E. a presentà en dossier sus lou proublemo e a chamà a tuchi i deputà sourtì elejù dedin i departoment ousitan de enterviene vers lou Ministre de l'Educacioun Naciounalo.

Navizen içì que lou noou Ministre aquest i-aje es en bearnes que minco tant se fai bel de souber devizar en ousitan.

Fin eiro soun 24 i deputà que an pià la pimo per pauzar lou proublemo al Ministre.

Per eiro lou Ministre François Bayrou, a respoundu ben gentiloment a tuchi, en lour dizent que al coumprenio ben la voueyo de mestre e proufessour de vioure e trabaiar al pais, me que lou lour trabai ero necessari soubretout din la Regioun parisienco!