La Diresioun dal MAO s'es barunaa a Venascho lou sande 15 dal mes de belier. A L'ourdre dal Journ l'ezame de la pouzicioun dal Mouviment evers i elecioun poulitiques dal 5 d'abril, l'ourganizacioun de lou trabai dal MAO e lou Rescontre Occitan 1992.

Sal prim pounch la Direcioun a counfermà definitivoment n'ourientament jo pià a la reunhoun de dran, es a dire de ren partecipar diretoment bou na prezenço electouralo dal MAO dedin la Listo Federalisme, ou bou de candidature dedin a d'aoute liste. Lou Mouviment trabaiarè al countrari per far sorte i problemo ousitan en tal debat poulitic que se pasarè d'içi al 5 abril.

Per soque regardo lou segound pounch se soun pià de decisioun per l'ourganizacioun dal trabai pratic dal Mouviment. En tal 1992 s'es dubert en nou seti a Venascho, la i a a dispouzicioun na bono atresaduro enfourmatico, en telephounou; es a dire n'ufiçi de trabai que devarè, d'eiro a l'avanz, trabaiar na man de journ a la semano per far marchar lou trabai poulitic e coultural dal Mouviment. Per soque regardo lou "Rescontre Occitan 1992", s'es nouminà en group de trabai que lou devarè ourganizar. La dato es ja marcà: dal 17 al 19 de San Jacou. Lou post es pancà istà fiça definitivoment, me la se pol que la se fase a Pradlievi, en val Grano.