La nova lei eletorala de la region Friul ilh es verament contraria a la comunitat slovena que ilh se troba dins aquela region.

Fin aura l'Union Slovena ilh svia tor fait elesre un rapresentant dal pople sloven, en pernent 'i vots que ilhs chalien dal Fond d'i Rests Regional.

Encuei, abo' la nova lei, ent aquest fond  ilhs polon solament perre aquelhs partits que ilhs an eleiut un candidat abo' un quocient plhin dins una circoscricion.

L'es pas lo cas de l'Union Slovena que ilh fai ren lo plhin dins neguna circoscricion.

Dequò la possibilitat d'emparentarse entra diferents partits, possibilital que 'i es dins la nova lei, ilh dona pas de ocasion a l'Union Slovena.

L'emparentament al es previsi solament entra un partit "gros" e un "pichot", e abo' las aleansas naturalas qui resta defora de aquest juhc l'es franc l'Union Slovena.

Per tot aisò 'i slovens ilhs demandon una rapresentansa garantia dins lo conselh regional furlan.

Rapresentansa que apres ilh soria solament la mesma que ilh es reconoissua a la minoranga italiana en Slovenia e en Croacia, chosa que ben pas gaire de gent lo sa'.