Chambeo la Troupo Rejounal de La Lego Nord: s'en vai Farassino e intro Toni Boudrier de Frayse. Lou chambi, a dilo ben justo, ero previst: Farassino, a i deriere elecions rejounales, avio siernù de sorte en prouvincho de Couni e Barbo Toni ero esta lisà foro; ero tutun segur que per i'elecion poulitiques lou chantaire turines ourio serchà d'anar a Roumo e alouro a lou poueto fraisirol sario touchà l' encharje de rempiasalou sus l'empourtanto careio turinezo, a menc que lou sies Boudrier sierne pei ren de tentar decò n'ele l'aventuro roumano.

Navizen içi que Toni Boudrier, enca mai couneisù coumo Barbo Toni, es n'aoutounomisto da sempre. En tal M.A.R.P. (Mouviment Aoutounoumisto, Rejounalisto Piemountes), en te i an cincanto pei lou trouven a la fin de i an sesanto aoutounoumisto ousitan al coumensament dal Mouviment Aoutounoumisto Ousitan; a la fin de i'an setanto foundo lou pichot mouviment Piemont­Occitan, pei vai diretoment all'Unioun Piemountezo de Gremmo, da doundo al sort bou la fracioun de Farassino e douno vito a Piemount - Lego Nord.

Abou touto aquelo cariero poulitico Boudrier a pa lisà lou mestier que i sort miei, es a dire aquel del poueto; resto un di pi enteresant poueto ousitan d'aquesti temp, pa mec de i Valades, me beleou de toutto l'Ousitanio.