Lou 11 de mai a Sampeyre (Val Varacho) ses tenguo la premiasioun dal Councours "Uno terro, uno lengo, un pople", ourganizà dal Sentre Prouvensal "Coumboscuro" de la Val Grano abou la coulabourasioun di moviment "Felibrige" de Aix de Prouvenso e "Parlaren" de Marseio.

Ero la 4emo edisioun dei concours, que es anà en creisoont ent' i an e es aribà, aquest'an, a veire la partesipasioun de 337 councourent. Lou temo d'aquesto edisioun: "Countes e Countines" ero particularment adat per les meinas; per aquò eroun està countatà presque toutes les escoles di valades, da 'nte soun aribà na lavoncho de stourietes, pouzies, filastroques, prouverbi, ecc.

Ma es pa mancà la partesipasioun de persounage ennamourà de noustro lengo da na partio d'an, abou de produsioun souvent de bouono calità.

Soun està premià, per la sesioun generalo: Coustan Rey de Crissol (Val Po), Jean-Paul Ghigo de Entraigues (Val Ges), Jean Pasteur de Nissa, Andriéu Beranrs de Oullioles e Reinat Toscano.

Per la sesioun escolo: les elementares de Sampeyre (Val Varacho), de S. Dumian (Val Mairo), de Poumaret (Val Germanasco), de Vinai (Val Esturo), de Roure (Val Varacho), de Festiouno e de Gaiolo (Val Esturo); les escoles medies de Roubilant (Val Vermenanha), de Demount (Val Esturo), de Sampeyre (Val Varacho), de Voudier (Val Ges), de Limoun e Vernant (Val Vermenanha) e Strop (Val Mairo).