Se faisessiam un "Guiness" del primat occitan, chalria donar lo premi per lo drap occitan mai a nòrd a la vila de Aberystwith, que se tròba en Galles (Gran Bretanha).

Aberystwith es conoissua per sa universitat, per las ruinas del vielh chastel del 1200, e per un pichòt tren a vapor que mena i turistas a una partiaa de casquadas fantasticas.

Chal dequò arodar que Aberystwith es en primera linha dins la luita de l'afermacion di dreits di pòples minoritaris.

Aici la i'a sovens de manifestacions e convenhs de sobre lo problema nacional.

Totun parlaiam de lo drap occitan mai a nord perqué se un fai la passejada relònc la mar s'embat dins lo squierament de tuits i draps de las minoranças nacionalas de lo continent europenc.

Lo drap occitan es lo quart a partir de manchina que se vei en fotografia.

Aquesti draps aici venen laissat aqui tot l'an per far veire a la jent coma que lo problema nacional regarda tota l'Europa.