A Drounìer/Val Mairo junh es 'stà en mes pien d'isiatives. La FIERO DE I ANCHOUÌER, LA FIERO DE L'ECOUNOUMIO DE DROUNÌER E LA VAL MAIRO, LA FIERO DI PAIS D'OC e, per  fenir, LA FIERA DELLA SOLIDARIETÀ.

Gros rezultat per tuchi i moument de la grando inisiativo. La FIERO DI PAIS D'OC soubretout à vist na reusìo fourmidablo sio per la cantità de emprezes e de robo prezentes, sio per la gent qu'es pasà per veire, chatar, counouise, parlar.

La Chambra Economica di Pais d'Oc à fach sa debuto a la grando per le valades. Avio aquì de aderent a la Chambra que aribaven da toutes es valades: artizan, countadin, coumersant, couperatives de servisi, asousasioun de coulturo, oubergisto, de tout... Empourtanto la partesipasioun de i atività Chambra d'Oc de l'Ousitanio d'ilai: pan de chastanho, marmelades, mel, gatrounoumio....Ric lou setour libre, journal, revistos.

De grando empourtanso soun està le espouzisioun: su la vioulo, sus i proufum de Prouvenso, sus Le Demoiselles Reynault de Barselouneto.

Segurament i moument pu touchant soun stà:

-L'inaougurasioun ufisialo de la Fiero abou lou talh de iou bindel rous e jaoun e na vinteno de sounaires qu'an sounà e chantà coumo n'imne nasiounal "Aquelos mountanhos";

-i espetacle seral que lou sande an vist tout Drounìer per le vies de la vilo bou le torches avisques al pasage de caval, cavalier e carouses e caranto-sincanto sounaires d'estrument poupoular qu'an fach balar gigues, courentes, farandoules,... fin a tres bot de nuech. La diamenjo groso afermasioun de Lou Dalfin de Sergio Berardo, group de vieio e novo muzico ousitano.

I moument de debat e descutìo an demoustrà na vizioun mouderno e courajouzo de la realtà di valades e la voulountà de pretende na justo counsiderasioun coumo Prouvinsio Alpino. Na manifestasioun reusìo? Pa mac acò! En rescountre que s'es demoustrà un di mai empourtant per la coulturo, l'ecounoumio, la vito d'es Valades Ousitanes e i fraires de l'aoute cant di mountanhes. En rescountre da countunuar e renfoursar.