Dounen count  içi, dran de tout, de i reunhoun de la Diresioun dal M.A.O. Aquesto s' es barounà lou 25 de nouvembre lou mai per n 'ezame aproufoundì de la situasioun ecounomico dal Mouviment, decò en visto de i engajament que la toucharè piar din la primo que vien bou e elesioun aministrative. En t'aquelo oucazioun s'es decò facho !'elesioun de lou Trezourie dal M.A.O.: es està nouminà Silvio Ferretti de la Val Po, que rempiaso Dario Anghilante, Tresourie dal Mouviment despei en baroun de an.

Din la memo reunhoun la Diresioun s'es oucupà de i raport de lou M.A.O. abou l'ousitanisme de l'aoute caire de i mountanhe. En t'aquesti darie temp aquesti raport se soun enca mai esgrandì. Na bono man de aderent dal M.A.O. an partecipà a  l'Amassada generalo de l'I.E.O. e carcun n'a rendù count en Diresioun.

I coumpounent de la Diresioun se soun jomai  retroubà lou 22 de dezembre. Aquel viaje s'es pià en counsiderasioun la prouposto de leje de la Coldirtti de Couni, i proupostes de leje rejounales sus i lengues minouritaries en Piemount e i elesioun aministratives dal mes de mai.

En t'i mes de nouvembre e dezembre s'es decò barunà na man de bot la Coumisioun per la revisioun de l'Esatut dal M.A.O. Aquesto Coumisoun a belo fenì lou siou trabai e ben lest la novo prouposto d'estatut venarè butà en descusioun dedin lou M.A.O., en visto de en nou Coungres per la sio aprouvasioun.

Lou 9 de dezembre lou M.A.O. a  counvoucà na reunhuon de i aoutounumisto ousitan de i Valades en prouvincho de Turin. La i a istà na bono partesipasioun de jent da i tres valades e da la zono de Turin. S'es parla de problema councret que regarden aquelo part de Ousitanio en Italio. Es pa mancà lou descours sus la foumasioun de listes a i elesioun aministrative.

Es istà prepaouzà la creasioun de en group de trabai aoutounumisto ousitan e franco-prouvensal en provincho de Turin. En group, al de soubre de i difrente ourganizasioun, que repie en trabai regular dedin a n'aqueles Valades.