PARLEM! VAI-I QU'AS PAUR La revista trimestrale auvernhata, publicada par l'Institut d'Estudis Occitans, din son n. 26 que ven de pareisse à dedica en grand espaci as valades occitanas d'Italia, coneigudas en ocasion dal 5eme Rescontre Occitan. La revista presenta a sos lejaires la geoigrafia de nostras valades, lo stat de la lenga occitana valada per valada, i Moviment empenhat dins l'occitanisme, las publicacion, ecc.

IVES ROQUETA Vint ans après aver publicat La messa dels pòercs, fa ambe lo meteis tèxte "lo maridatge de la literatura occitana e del jazz". Los tres musicians de jazz besierencs son Renè nan, Francis Balzamo e Michel Pellegrin.

EUROPEAN BUREAU Lo Burèu europèu per las lengas mens emplegas paga de viatges d'estudi dins las regions d'Euròpa ont se parla de pichotas lengas coma l'irlandés, lo catatan, lo sarde, l'occitan, ecc.

Normalament lo viatge es d'una setmana e la borsa se monta a 750 ECU. Se cal engatjar a redigir un rapòrt après lo viatge.

Andreça per aver d'entressenhas: Institut d'estudis occitans Relacions internacionalas - Bòstia postala 205 - 11005 Carcassona (F)

DISIOUNARI OUSITAN Vai pareise al mes de jenier lu prim voulum dal disiounari "Franses Ousitan" de Christian Rapin. L'obro en quatre voulum se nounseo coumo carcaren de ben empourtant; l'estudious gascoun i trabaio da paso de vint an. Lou 1° voulum cousto 150f + 15f d'espedisioun..Se pol reservar fin a.lou 31/12, acò de C. Rapin - 47340 la Caminada - Sauvanhas - La Roca Timbaut (France) - Versament intestat a C. Rapin - ccp. 4574.39K Bordeaux.

­ALBANES DE CALABRIO Ourganizat da la Rejoun Calabria e da L'Asouciasioun Proteo, se tien a Potenza lou 5 - 6 - 7 - dezembre 1990 en colloqui sus la minouranso albanezo e la situazioun de la sio lengo e culturo.

FILM FESTIVAL DE TRENTO Es arubà a la 39° edisioun lou "Film Festival de Trento"; en rescountre ben empourant per de trabai sus la mountanho. Aquest an la manifestasioun se tenarè dal 21 al 27 d'Abril, ma  i obre chal que aruben, senso mancar, a la jurio dran dal 15 de mars 1991. Qui fougues enteresà a partesipar pol demandar a la redasioun dal journal lou reglament dal councours.

OUSITANIO VIVO Minquetant chal decò gabase.

Lou fazen en dounant la novo que Ousitanio Vivo es ista senhala da dui Journal que pareisen tuchi i journ en Ousitanio.

"La Depeche du Midì" devizo de Ousitanio Vivo coumo en d'en mesadie ben fach que nous vien da l'Ousitanio en Italia.

Lou journalisto Glaudi Barsotti, tuchi i viatge que pareisen, nous senhalo dedin l'espaçi ousitan "Mesclum", que pareis tuchi i joous sus "La Marseillese".

PARENTS D'OC A n'escolo mairalo de Narbouno s'es prezentà per lou premie bot en Ousitanio, a n'elesioun escoularo, na Listo que se sono "parents d'oc". Es aribaa primo bou lou 57% de i vout.

STEVE Lou premier roumans Ousitan ven de troubar na lonjio e bono resensioun da part de J.G. Sërras sus lou derie numbre de la revisto de l'I.E.O. "Occitans!"

LO LUGARN La revisto dal P.N.Q. vien de pareise bou lou numbre 37. I senhalen en lon article sus la questioun arabo e la guero dal Golfe e n'autre sus la situasioun de i lengues celtiques en Gran Bretanho.