La Val d'Aran, la pi pichoto cumunitat ousitano, aquelo que, just des an pasà, semiavo la pi desmentià, eiro es aquelo que de maì a avansà sus la draio de l'identitat lenguistico e culturalo e, beleou, decò sal chamin de l'aoutounoumio.

Just aquesti journ s'es aviscà na questioun d'estatut d'aoutounoumio entre lou Gouvern de la Generalitat de Catalunho e la Cumunitat aranezo, n'estatut d'aoutounoumio que Jordi Poujol vol dounar pichot pichot, ni manc ni menc que aquel de i aoute comarque catalane, e que Unitat d'Aran, lou partì ousitan aranes, demando mai empourtanto, espesialo, talical aquelo que, din lou temp, la Val d'Aran avio.

Lou debat es avisc al Parlament catalan e, i deriere nove soun bone per i Aranes, i soun ben piboutà da na grando par de i partì present a la Generalitat, doundo carcun a fach remarcar que Barcelouno poi ren negar a la Val d'Aran soque demando per la Catalounho a Madrid!