Colloqui de ALBI

La fai carqui temp que dedin i ambient ousitanisto se pasavo pa pus en colloqui de grand enteresi coma aquel de Albi dal 24 e 25 nouvembre sus "Identitat culturala e dinamisme economic". Ourganizà da l'I.E.O., a barounà apoupres 300 persoune, bou na caranteno de raportaire. Na man de relasioun soun istà de gran enteresi; voulen sitar içi: aquelo de P. Langevin sus "Le röle de la culture dans l'economie provençale", aquelo de J.L.Harignordoguy, que nous a countià l'esperienso formidablo de L'Asouciasioun de svilup economic de i Pais Basc françes "Hemen"; l'esperienso de proumousion de i prouduch en lengo catalano; lou debat abou i mass-media, bou l'esperienso de TV3, la televisioun catalano. Lou colloqui de Albi marco en pasaje empourtant dedin l'ousitanisme, es a dire l'ousitanisme per lou prim bot pio en chargo lou proublemo economic e se paouzo dran a l'Eouroupo bu la vueio de countiar e segur que per l'Ousitanio i ourè en deman se souren chaminar sus la draio trasaa de i catalan e i basc, es a dire de groupar sempre pu fort l'identità culturalo ousitano abou l'evoulusioun ecounomico.

Lou colloqui de Albi arubo apres que carcozo de councret s'es jo fach sus aquel chamin: i eschambi ecounomic entre lou Tarn e la Catalounho, la filiero dei oustal ousitan bou "Mayson de Pays", la "Chambro d'oc". Propi la Chambro d'Oc, presentaa a Albi da S. Meyrier a enteresà en paou tuchi e semeo que la marco de la crous ousitano e i douze estele de l'Eouroupo couneisaren eiro n'eslarjament en touto l'Ousitanio.

Lou gran numbre de relasioun an lisà gaire de temp per lou debat, me chal dire que i countact entre i coungresisto nous an dounà la pousibilità d'eschambiar en paou d'esperiense.

Toute i relasioun d'ourdre teoric, coumo lou gran numbre d'esperiense councrete que aven pourgù counouise, nous an counfermà que lou deman de l'ecounomio dal noste Pais es facho de proudusioun, magaro pa de grando cantità, me seguroment de aouto calità e bou na forto identità abou lou teritori e la cutluro ousitano. Es pa per ren que la Chambro d'od trobo en gran enteresi decò içi din i Valades Ousitanes. Sien segurament sus la bono draio!