Lo 3 e 4 de Novembre a Besièrs

Entre lo 3 e 4 de Novembre a Besièrs, en Lenga d'Oc, s'es debanàa l'Amassada Generala dal 1990 de l'I.E.O.

Per qui lo sabesse pas encara, l'IEO es l'Istitut d'Estudis Occitans, un'Associassion que travalha despì lo 1948 per la cultura occitana dins sa globalitat; reconoissut d'utilitat publica, organisa cors de lenga, estagis.., Disem, en doas paròlas, qu'al es l'organisme mai rapresentatiu de nostra cultura dai caire francés.

Darrierament abò la presidença de Robèrt Martì, conoìs un moment de creissença apres qualquis ans adont lo travalh e l'egatijament aviàn mermat. L'Istitut publìca abò regolaritat una revista entierament en occitan (1) adont lo darrier numre es praticament dediat al problema de las reviràas dals texts; la li a decò un bon article de J.G. Serras dediat al libre "Steve".

Retornem a l'Amassada que es ren que una reunion annuala dels aderents a cest organisme que deu servir enrear lo travalh per l'an que deu venir. Dins un suplement a "Occitans", pareissut per l'ocasion, Robèrt Martì orienta l'accion sus l'emergencia d'un occitan d'ambicion e d'espacis europeans, sus una lucha contra la nacion de Sud (de la França ala plaça de 'quela d'Occitanià), sus l'espandiment d'un territòrí cultural nòstre. Dins las doas jornàas s'es descutit sus de questions organisativas (Alarjament dal Conselh d'Aministracion, un borel executiu de sei personas, ordenators (computers), fax); sus l'amelhorament de las comunicacions entre los aderents e de l'Edicion occitana e, en genre, sus l'estat de sandat de la cultura occitana.

S'es decò parlat de grafià; en particolier de l'adaptacion a la grafià occitana alibertina dels patoaes nòrd-occitans-limosin, auvernhats, occitan alpenc que pausa totjorn de problemas a 'quellis que se nen servan. S'es decidat perparelh de organisar una reunion que deurià esser presa en charja dals Auvernhats e se deurià passar a Thiers, beleu dins lo mes d'abriel dal 1991.

Pas mens qualcas votz s'es levàas contra lo travalh actual de l'IE0 e en particolier 'quela de J. Sibille, President de l'IE0 Paris - al es originari de Chaumont en Val de la Dueira qu'al difusat una fuèlha, adont examìna lo travalh fait per l'IEO o sarià melh dire çò que l'IEO aurià pas fait, segond el.

Pas mens al es otimista; veico çò qu'escriu en final:

L'IEO a donc benlèu encara un ròtle de jogar dins l'occitanisme, a condicion d'entamenar, enfin, una reflexion seriosa sus sas tòcas e sas practicas. Aquò se farà pas sens una volontat colectiva, ni non sens una discussion dins las seccions emai ambe los occitanistas que son en defòra de l'IEO.

Vòli pas aqui porgir de receptas e nimai donar de leiçons.

Prepausi que l'AG de 1991 sià la de la perestòìka, de l'aggiornament e de la dobertura. Avèm un an per l'organisar. Aquò es de la responsabilitat, non pas sonca del burèu "nacional", mas dels responsables de las seccions e de totes los militants.

A l'Amassada Generala s'es decò parlat de crear una federacion entre l'IE0 de França e los eventuals IE0 se deuriàn crear en Italia e en Espanha, al fin de donar vita a un Borel Europeu de l'IEO, organisme que puèsche travalhar en maniera unitaria per un'Europa dals Puèples.