En tal mes de San Jouan la novo Diresioun de lou Mouviment Aoutounumisto Ousitan s'es barounà dui viaje.

Sande 24 la Diresioun s'es oucupa dran de tout de i rezultat de l'elesioun eouropees: apres s'es encoumensà a reveire i proublemo poulitic que lou Coungres dal Mouviment a butà sal tapis. Tuchi se soun retroubà d'acordi en tal dir que dran de tout chal asegurar a lou M.A.O. en melhour funsiounament e que, en request premie mes na bono part dal trabay anarè punchà aquì de sus.

Venre 30 la Diresioun a renuvà i charje enterne dal Mouviment, na tacho que ero ista remanda apres i'elesioun.

Dino Matteodo es stà counfermà Segretari Pulitic de lou Mouviment Aoutounoumisto Ousitan.

Mauro Rabbia de la Val Ges e Franco Bronzat de la Val Cluzoun sun istà chamà a trabaiar ensemo a lou Segretari dedin la novo Segreterio dal M.A.O. S'es pensà miei de retournar a na Segreterio de tres persoune. apres l'esperienso d'aquelo de cinq, acò propi per far founsiounar lou mai souvent posibu la Diresioun.

La Diresioun s'es pei oucupà de lou journal Ousitanio Vivo. S'es devizà sus l'empustasioun que lou journal devario aver e s'es nouminà la novo Redasioun que sarè facho da: Silvana Casasso, Costanzo Lorenzati, Marinella Peyracchia. Antonio Richard. Bianca Rinaudo. Pier Matteo Rouiph e Fredo Valla.