Aquest istà lou Mouviment es pa anà en vacanso! En paou dapertout i militant an marca la lour presenso en atività politiques, coulturales e de difuzioun dal material ousitanisto sus i piase ou a ben de feste.

S'es decò pa arestà l'atività de la Diresioun poulitico; en efet aquest ourganisme, sourtì dal derie Coungres de lou M.A.O., s'es barounà, bou la prezenso de la majuranso de i sie coumpounent lou sero de San Louren.

Soun està descutì na man de proublemo: la repropouzisioun de na prouposto de leje rejounalo sus lou piemountes, la vizìto de lou President Cossiga en val Pelis e en val Cluzoun. Me la Diresioun s'es mai que tout oucupà de la questioun de la prouposto d'en marc per i proudot de i Valades Ousitanes e de la nomino de na Coumisioun encharjà de dunar l'andi al trabai de revisioun de l'Estatut dal Mouviment.

Soun està chamà a far part d'aquelo Coumisioun: Dino Matteodo, Franco Bronzat, Mauro Rabbia, Aldo Orusa, Dario Anghilante, William Pons, Ines Cavalcanti, Claudio Salvagno, Guido Magnetto, Mariano Allocco.

La Diresioun s'es pei jomaì barounà lou 4 de outoubre soubretout per encoumensar a esaminar lou trabai dal Mouviment en visto de i'elesioun de l'an que vien. Ent t'aquelo oucasioun lou Segretari dal M.A.O. a cumunicà d'aver dounà, coumo ero dedin i'acordi, i dimisioun da Counseier Prouvinsial de Couni.

Lou Segretari dal M.A.O. a pià part, lou 30 de setembre, a na reunhoun a Aousto bou tuchi i rapresentant de i parti e mouviment que an partesipà a la Listo "Federalismo" a i deriere elesioun europee. Dedin na journado de descusioun s'es nouminà n'ufisi de courdinament de i ouech Mouviment, s'es encoumensà a esquiarzir lou trabai de i founziounari que la Listo devarè aver al pi lest; s'es, a la fin, en paou repartì lou rembours de na part de i'espeze que i soun istà per i deriere elesioun eouropees. N'aouto reunhoun de Coourdinament se tenaré i primi de nouvembre, escazi segurament a Milano.