En majistre dal caire del Marseio sercho carque escole de i Valades Usitanes per d'eschambi abu i minaa de la sio escolo.

Lu prujet que al nus mando es ben enteresant: la se trato pa mec de far cunuise i minaa de i due escole, me de bütar drech en prugnamo d'ensenhament de la lengo usitano dal pais, d'eschambiar i trabai que n'en sortun, de veire la cumprensiun que la se paso entre i minaa di düi caire. Lu prujet, que venario fach desut la respunsabilità dal Prufesur J.C. Bouvier, President de l'Università de Pruvenso e titülaire de lengo e literatüro usitano, sercho de barunar na dezeno d'escole pruvensale e armenc cinq de i Valades Usitanes e cinq de la Catalunho.

Encurajen i majistre de i Valades a pa  lisar tumbar aquesto pruposto. Qui fugues enteresà pol escriure a: Alain Barthélemy-Vigouroux, Les Mourades, Ch. des Marseillais - 13122 Ventabren, u ben demandar copio dal prujet a la Redasiun de Ousitanio Vivo.