Gaire menc de douzent persoune se soun jomai retroubà ai taoule de l'Oste dal Besé per lou rescountre de l'istà de i emigrà de la Val Varacho. Encaro n'iaje na bono oucazioun d'istar ensemo per nosto jent que a devu quitar lou Paìs, lou pi souvent per anar dai caire de Paris, a serchar lou trabay que i noste mountanhe semiavo voulesen pa dounar. Despei doucatre an l'Asouchaioun "I Amis de la Val Varacho' s'encharjo de na man d'inisiative, en paou en Valado e en paou a Paris, per barounar nosto jent emigraa, per cudir i lour ente-resi que lou pi souvent i an encaro dedin i lour pais.

Aquest an a la lesto i an pourtà lou lour satut lou Sendic de San Peire, Renato Baralis e lou Segretari dal MAO Dino Matteodo, en rapresentanso de la sio Cumuno de Fraisse. E beleou propi a Fraisse se tenarè jomai l'ista que vien lou rescountre de i nosti emigrà.