La Listo Verdo dins l'Estat franses, menaa per Antoine Waechter, ourè decò en coulour en paou rejounalisto e nasiounalisto.

En pounch ben empourtante de siou prougramo que se sono "Pour une Europe des régiuons et des peuples solidaires" marco aquesto voulountà federaliste.

Pouder rejounal, drech cultural recouncissu per le lengues e cultures de minouranço, refourmo de la Coustitusioun franseso per chambiar lou Senat dins un "Counsei di rejoun" marquen en Franço i nove idees de i ecouloujisto.

Dedin a n'aquesto Listo i ourè carqui ome de puncho di Mouviment nasiounalitari de Franço. Dran de tout lou Segretari de l'Union du Peuple Corse, Max Simeoni; apres lou Basc Ramuntxo Camblong, rapresentant de i Abertzales; enfin lou President dal Partit Occitan, Gustave Alirol. Alirol, Sendic de S. Hostien, pichot pais de l'Ouvernho, prufesur a l'Universitat de Lyon, despei d'an e d'an meno anan abou forso e cumpetenso la questioun Ousitano en Franço.

Lou Mouviment Aoutunoumisto Ousitan bouco bu jai e esperanso a lou couraje que marco i nasiounalità minouritarie de l'Estat franses.

De segur tut acò renforso decò lu trabai que isi menen dedin i Valades Ousitanes.

De segur tut acò inancaré pa de far creise i noste forse, apres lu 18 de Junh, a Strashourg e Bruxelles!