Lu Rescuntre Usitan 1989, cumo jo anunsià din i nümre passà dei jurnal, se fasarè a Rubilant - Val Vermenagno (CN) lu 7-8 e 9 de jüiet.

Sen aribà a la catriemo edisiun; apres Lu Mel (Val Varacio), S. Dümian (Val Mairo) e Böbi (Val Pelis) achest'ann sen uspità a Rubilant, enté siò la Cumuno che la Pro-Loco nus on asegürà la lur culaburasiun.

Bele achest'ann, per lu Rescuntre es en prugramo na ringio de manifestasiun cultürales, de debat e de cunvegn abu de temo de grondo atüalità e, pol pa mancar, de ver mument de festo pupularo abu de coru, de müsiches e donses tradisiunales des valades e de l'Usitanio de franso.

Ün di mument pü empurtont dei Rescuntre lei lu Cuncurs "Idea d'Oc", a sa tresiemo edisiun, che achest'ann es dedica a la novo creasiun müsicalo usitano.

La premiasiun di gagnaire se fasarè, cumo de custümo, din lu Rescuntre e achest'ann la sarè n'aveniment ecesiunal vist lu temo dei Cuncurs: de musicaire e de grüp müsical che aríbun da tüci i cont de l'Usitanio nus prepausaren lur cumpusisiun e mancaren pa de nus tenir alegre.

N'autro iniziativo ben empurtonto lei l'urganizasiun, facio da la Comunità Montana Val Ges-Vermenagno e Pes, de na jurnà de stüdi süs lu prublemo di Parc Natural: n'argument achest ben sentù da la gent d'acheles valades che abu i Parc on da se cunfruntar tüci i jur. Acò per capir se la lei à na maniero de defender jüstament la naturo, ma deco l'ome che viou din achel teritori e che pol pa mac far lu gardion ma deou vioure e prugredir.

Decò achest'ann sarèn a despusisiun de stands per l'espusisiun e la vendito de prudüsiun natürales u artigianales de cultivatur e artigion d'les valades e de vetrines de l'editurio usitano siò d'les valades che dal'Usitanio de franso.

Per tüci i tres jur dei Rescuntre faren funsiunar en servisi de bar e resturont abu carche piat tradisiunal de la cüsino d'la val Vermenagno.

Enviten, aluro, tüci i usitanisto, i amis, a culaburar abu l'Asuciasiun "Ousitanio Vivo" per la buono rüsio d'achesto festo; a tuci i lezaire vai nuostre envit a partecipar a la festo.