S'es debanat a Montpelhier e a Castries entre lo 26 e lo 28 de otobre, un colòqui enternacional dediat a vint ans de literatura occitana 1968/1988.

La finalitat de cest colòqui, organisat en colaboracion entre l'Associasion Internacionala d'Estudis Occitans, lo Pen Club de Longa d'Oc, lo Centre Internacional de Documentacion Occitana, l'UA de Sociolinguistica en terra occitana dal CNRS, era d'aguer una vision d'ensemp de cesta literatura, desconoissuá a la plus gran partie dal publique.

L'organisacion era istaa presa manhificament en charja per la Region Lengadòc Rossilhon  -Centre Regional de letras-, chausa qu'a permetut una bona partecipassion d'especialistas a nivel occitan e enternacional.

An partecipat a lo colòqui un baron d'archerchaires com entre los estrangiers G. Kremnitz (Viena), W. Calin (U.S.A.), P. Kirsch (Viena); P. Ricketts (Londra), R.A. Greco (Lecce). Entre los occitans an presentat de travalhs F. Marlel, M. Chaduelh, J.M. Auzias e F. Bronzat qu'a prepausat un travalh sus las Valadas: «L'escritura occitana dins las Valadas italianas de lenga d'òc».

En particulier al es de sinhalar lo travalh de Georg Kremnitz de l'Istitut für Romanistik de Viena: Conditions psycholinguistiques et sociolinguistiques de l'ecriture occitane actuelle.