Na bona nòva nos ven da l'Occitania de frança: lo Conselh d'administracion de l'Universitat de Montpelhièr abo na deliberacion a chausit de presentar a la primiera plaça de sas demandas d'abilitacion una "Licència d'Occitan e d'Estudis d'Oc".

La demanda es estada transmesa al Ministèri que din aquestas semanas deu estatuir sus las novèlas abilitacions.

Fai longtemp que los occitanistas de frança demàndan que se crèe una licència d'Occitan. En lo 1983 se faguèt un primièr pas abo la creacion d'un "Certificat de lenga e cultura regionala d'Oc".

Aquel certificat-diplòma "nacional" abilita sos titularis a ensenhar l'Occitan, mai que siàn dejà en foncion dins l'ensenhament, e per tal que se pòsca ensenhar chal que se rescòntren un ensenhaire competent, d'escolaires que vòlgan aprene la lenga e un cap d'establiment favorable a aquel ensenhament.

La nòva Licència mancarà pas de renovelar la cultura, los estudis e l'ensenhament de l'Occitan dins na manhera mai qualifiàa.

Aquesta es la primièra licència d'Occitan jamai creada e la segonda en lenga regionala o "minoritaria", apres la licència de breton e d'estudis celtics.