Es surtì, per les edisiun "Ousitanio Vivo", lu libre: «Idea d'Oc '87 - Poesia Occitana» che racüei les òbres prezentà ei 1er Cuncurs de Puezio en lengo Usitano.

Lei na raccolto de 69 puezies de 41 pueto de tüci i cont de la grondo tero Usitano; ogni puezio, a secuntre de la zono de pruvenienso, à la tradüsiun en italion u en franses u en espagnol. Din achie vers, simple ma suvent pien de entensità, vers che nus cuonton l'estorio den pais, de la vito de sa gent, de stent per en temp che vèo la muntagno vioure: ma decò d'images d'encüei, d'estories d'antiches mitulugies, din achie vers rescübren la fuorso e la riciesso de nuostro lengo Usitano, na lengo vivo.

 

Lu libre repuorto decò na schedo che ilüstro i difrent tipu de grafio uzà da i pueto e na cartino d'Usitanio ube marcà lu pais e la Regiun de pruvenienso.

Lu libre, des dimensiun de cm 21 x 29,5, à 92 pages e es en vendito a L. 13.000 (70 F. F.).

En atendont de puisser n'en far la destrebusiun din 's valades lei pusibu l'aver en lu demandont a la redasiun de Ousitanio Vivo.

I pueto che on partecipà ei cuncurs e che on 's puezies püblià sei libre on drecc a  ne scunte dei 20% en lu cumandont sempre a la redasiun dei jurnal.