Per lo segond an l'Associacion culturala "Occitania Viva" e l'Associacion "Amís de Ezio Cucchietti", abó lo sostenh de l'Institut d'Estudis Occitans, la Provincia de Coni, la Provincia de Turin, la Region Piemont, la Comunitat Montana VaI Pelis, la Comunitat Montana Val Clüzun e Germanasca e la Comunitat Montana Auta Val Susa

organíson

lo 2° Concors "Idea d'Òc"

NÒVA CREACION - PRÒSA

en lenga occitana a tema libre

a 2 seccions: -Fins a 14 ans

           -Mai de 14 ans

La compausicion en pròsa, ren publiaa e ren premiaa en d'auti concors, pòl èsser escricha en que se sia grafia que vai marcaa drant o après la compausicion. Chal que i sia la traducion de la pròsa en italian o en francès o en espanhòl.

Las pròsas sarèn esaminaas da una juria qualifiaa nomaa da l'Associacion culturala "Occitania Viva". Sarè compausaa da: Franco Bronzat, Fausta Garavini, Felip Gardí, Ives Roqueta, Joan Luc Sauviago e Domenico Zannier.

Lo judici d'aquesta juria sarè definitiu.

Degun drech d'inscricion es demandat per partecipar al Concors, las compausicions sarèn pas renduas.

Las demandas de partecipacion al Concors, escrichas sus lo papier espressament aprestat, e las compausicions en 6 copias devarèn arribar a:

- Occitania Viva - Via Roccabruna, 39/B

12025 DRONERO (CN) Italia

Tel. (0171) 918971

per lo 15 de mai 1988

La premiacion se fasarè en occasion dal terç Rescontre Occitan. La data e la lueia sarèn comunicaas ai autors.

Premi

I premis de "Idèa d'Òc" (seccion "Nòva Creacion - Pròsa") rapresènton una interessanta novitat. Venarè ofert a l'autor de la compausicion mai apreciaa la publicacion d'una antologia dediaa a la sia òbra. Aquesta baronarè pròsas (o pròsa e poësia se l'autor es dequò poëta). La juria pòlarè prepausar ai organisaires dal premi la publicacion d'un roman o d'un recuelh poëtique de l'autor premiat, a la condicion que sion en lenga occitana e encar ren publiats. I organisaires dal Concors pòlon acceptar o pas aquesta propòsta. La publicacion de n'òbra dal ganhaire dal Concors pren la plhaça de l'antologia. Dins lo cas se poguesse pas far la publicacion de l'antologia o de n'obra, lo ganhaire sarè recompensat abó un premi financier.

I texts di detz premiers autors remarcats pareissarèn dins una mesclha (format cm. 31 x 21) coma aquela publiaa per lo Concors "Poësia d'Òc 1987". A tuchi autors remarcats o pas sarèn donats de libres de tematica Occitana.

Un reconoissiment particular sarà reservat a la compausicion mai apreciaa en Occitan Alpenc (*).

La compausicion que testimoniarè de mai la qualitat de la lenga Occitana dins son espression locala aurè una mencion particulara.

 

(*) L'Occitan Alpenc es una unitat linguistica originala dins l'ensemp occítan, que caracterisa e unis los parlars de las Valadas, e di despartaments de l'estat frances de las Autas-Alpas e de la Droma, d'una partia di despartaments de la Leira, de l'Auta Leira, de l'Ardecha, de l'Isera, de las Alpas de Auta Provenca e de las Alpas Maritimas.