Oloron e.s na picioto vilo din lu cont süd usidental d'la Gascugno, ei cunfin di Pirenei, en Usitanio fransezo.

Depei na partiò d'ann a Oloron la funsiuno na Calandreta: val d dir n'escolo materno laico e gratüiò che acüei de meinà dai 2 ai 6 ann. La Calandreta d'Oloron ube d'autres sieis Calandretas fai part de la Cunfederasiun des Calandretas che à la sede a Tuluzo.

L'escopu prensipal de la Calandreta lei achel de mantenir vivo e slargiar la cuneisenso de l'usitan bearnes din 's noves generasiun. Acò a cumensar da 'n age 'nte lu meinà à la pü grosso despunibilità mentalo a se übrir a de nou aprendisage u a far früciar miei achel che sa famio pol i dunar. L'ensegnament che se duno a la Calandreta cercio la partesipasiùn dei meinà, ei respeto si ritme d'aprendisage, ei ten cunte de ses esperienses e de ses usservasiun e dei meme temp ei beto a sa despusisiun tuci i mezu necessari per na meiuro rüssiò de l'óbro.

Lu merit pü gros d'achelo empurtonto inisiativo vai a 'n grüp de famies d'Oloron e de l'envirun che ube gaubi e passiun la puortun avonti en subront d'ustacul de tüci i tipu, cumpres achie finansiari.

Degüno suvensiun lur ven da la Regiun, ni da la Cümüno d'Oloron: mac en piciot ajüt finansiari lur ven dei Cunsei General e da la Cümüno de la vilo de Pau.

Bucò lu finansiament de la Calandreta d'Oloron es lià surtut ei gaubi di urganizatur che ube d'inisiatives dübertes a tuto la pupulasiun tróbun la maniero de far intrar carche soldi. Cumo dir, conte la vüeio de far...

Se lei ver che l'avenir de nuostro lengo passo per la pedagugio, l'esperienso de la Calandreta d'Oloron e des autres Calandretas neissüés den cont e de l'autre din l'Usitanio i rendun en bun servissi.

N'esempi che blou nus ciariò cerciar d'imitar n'estis mai din nuostres valades.