"R nì d'àigüra"

De mai en mai enteresant l'escartari porto parolo de i Brigasc. Aqueste nümbre duerb bu lu retrubament a Piaggia de na peiro escricho en brigasc a lu cumensament dal siecle pasà; devario beleu ese la primo escricho en usitan de n'aquii caire que la se sie retrubà.

Cumo d'abitüdo la revisto de l'Asuchasiun "A Vastéra" se presento richo, seriuzo; lu pi suven i-article sun acumpanhà da de disenh u d'artrat que ne rendun lejiero la lezüo.

D'aqueste escartari i sort decò foro la vito de n'Asuchasiun, cumo es "A Vastéra", ben vivo e enreizà dedin lu caire dundo i-a siernü de trabaiar.

- "r nì d'àigüra"

Via F.D. Guerrazzi, 14/14 16146 Genuva

Abunament: L. 10.000 c.c.p. 12788188

 

"Lo Lugarn"

Derierament es pareisü lu nümbre 29 de la revisto dal Partì Nasiunalisto Usitan.

Remarquen, dran de tut, aquest bot en bun article süs lu pople "Same" de mai cuneisü cume "Lapun". Lo Lugarn a jomai abandunà l'esprit enternasiunalisto preicà da F. Fontan, per talo que tuchi i numbre nus prezento bu quiaresso e richesso d'enfurmasiun ün de i tante pople culunizà que la i-a vers aqui per le munde.

De grand enteresi süs a n'aqueste nümbre la resposto a H. Barthès, que ven de far pareise en libre que a jo fach pa mal descüte en Usitanio d'ilai: "Etudes historiques sur la langue occitane".

- "Lo Lugarn"

Carriera Ducourneau 47000 AGEN

Ab. 45 FF.

(Lo Lugarn pol decò ese demandà a Ousitanio Vivo).