I a ben na man de reviste que sun pareisüe d'aquesti temp e que nus semeo jüst remarcar.

Lo Lugarn

Encumensen dal jurnal dal P. N.O., que a ducatre article ben empurtant. Remarquen subretut la pajino d'estorio bu "La Republique ocitane des escartons" e aquelo d'etnisme e relijun bu "URSS et Islam".

"Lo Lugarn" n. 30 - Carriera Ducourneau, 47000 Agén.

 

R nì d'aigüra

A Vastéra, l'Asuchasiun cültüralo Brigasco es beleu la pi avisco que i sie dedin i Valades Usitanes. Acò la se vei decò da lu lur jurnat, que, d'en nümbre a l'aute, es de mai en mai espes. L'etnugrafio, la lengo, l'estorio cuerbun lu mai de la sincanteno teno de pajine d'aquest nümbre, me la manco decò pa, minqu'i aje, na pichoto parts süs la literatüro brigasco.

En t'aquest nümbre 10 düi trabai nus semeun empurtant: aquel süs i nom de famìo brigasc e aquel süs i nom d'i lueie d'enturn al Marguareis.

"R nì d'àigüra" n. 10, via F.D. Guerrazzi 14/14, Genova.

 

La Beidana

Bu en pichot saut anen al nord, en tero Vaudezo, a leze lu n. 8 de "La Beidana". Encaro n'i aje lu mai de la revisto es dedià a chavar dedin l'estorio Vaudezo, subretut de la Val Pelis. Foro d'quì , remarcable l'article de C. Tron süs "La cultura del villaggio nelle Valli Chisone e Germanasca".

"La Beidana" n. 8, via R. d'Azeglio 2, 10066 Torre Pellice.

 

Novel Ternp

Encaro n'i aje la Val Varacho la fai da patruno süs aquesto revisto. Paso de sesanto pajine sun pià da en trabai remarcable de Tavio Cosio e Almerino De Angelis «Corsi d'acqua e mulini nel territorio di Melle».

"Novel Temp" n. 33, via Roma 27, 12020 Sampeyre.