La festo relijuso e l'üvern

En bon succes a agu aqueste istà la caisseto de musico Chantar chalendos en Usitanio, chantà e sounà da Dario Anghilante abou l'acoumpanhament e l'armoni de Livio Chiapello.

Es la rejistrassioun d'en counsert que Dario Anghilante à tengù din les Valades per lu temp de Denial (Chalendos justament) 1987.

Soun 11 chansoun, na bono part de Masino Anghilante, e carcuno ben couneissuo: Charamaio mai, La priero dal mountanar, A la meiro, d'autre menou: La priero dal pastour, Dapè lou fuec, Nono nuech, e uno frescho frescho: Natal.

Se jounto a la creassioun de Masino Anghilante carque Nouvèl de l'Oussitanio en Franso, e en joli Nouvèl de la Val d'Esturo "Pastur de l'Argentiero" ente Dario à dounà la musico a de jolies paroles de n'autour scouneissu de carque secoul passà.

Es na caisseto piasento coumo soun stà i Counsert tengu din lou Deinial passà da Dario Anghilante e Livio Chiapello.

Acoumpanho la caisseto en librete ente se polen avè le paroles di chansoun. L'edissioun es de l'Assouchassioun culturalo Ousitanio Vivo e se pol coumandar la caisseto al noste journal a lou pressi de L. 12.500 coumpres l'espeso d'espedissioun.

Chantar Chalendos en Usitanio (Cantare Natale in Occitania ):

- Dario Anghilante (voce, ghironda, violino, chitarra)

- Livio Chiapello (fisarmonica)

L. 12.500 spese postali comprese.