Lo Partit Nacionalista Occitan presentava tres candidats a las eleccions cantonalas del 25 de Setembre de 1988.

- lo Jaune Ressaire, abelhaire, secretari nacional del Partit faguét 2,74% de las voses dins lo canton de Banhoùs de Cezas (Gard) amb una punta de 16,59% dins son vilatge e 23,44% dins lo vilatge vesin.

- lo Joan Marc Pellet, pancossiér, clavaire del Partit, faguét 3,26% de las voses dins lo canton de Borg Sant Andeòl (Ardecha) amb una punta de 21,90% dins son vilatge e de 14,28% dins lo vilatge d'a costat.

- l'Iva Rauziér, professor, faguét 1,70% de las voses dins lo canton mieg urban de Lòrmont (Gironda), ço qu'es pas un marrit resultat per una banlega sins anma.

Es de notar que lo P.N.O. avia ja presentat 2 candidats a las cantonalas de 1985 e una lista nacionalista occitana dins lo Gard a las eleccions legislativas de 1986. Nosautres, pensam que se cal presentar a las eleccions per un jorn estre méstres en çò nòstre amb un vertadiér poder occitan que contrarotlarià la fiscalitat, l'esparnha, lo torisme e engimbrarià la renaissença de nòstra lenga e de nòstra cultura.