Jous 13 de utubre se sun barunà a Strasburg i rapresentant de i minuranse nasiunale en Italio, i meme que aviun fach naise la Listo "Federalisme Eurupo de i Pople". La reünhun s'es tengüo ent'aquelo vilo aposto per slarjar l'encontre a i quatre depütà eurupenc que fan part de l'Alliance Libre Europeenne: J. Vandemeulenbroucke, W. Kuijpers, C. Garaikoetxea e M. Columbu, que, cumo tan d'aute depütà, en t' aquii jum se tubavun en la capitalo de l'Alsasio per na sesiun dal Parlament Eurupenc. La reünhun, tengüo a la presenso de i nosti rapresentant en Eurupo a siervü a far lu punch süs lu trabay fach en t'aquesti an e süs l'engajament que tüchi s'erun pià a l'avanso.

La reünhun de Strasburg a decò menà la delegasiun dal M.A.O. a vizitar lu Parlament Eurupenc e a partesipar a na reünhun de l'intergrup parlamentar de i depütà elezü dedin i teritori de minuranso etnico.