Siou retourna chapuo i viol

'dla mountagno...

Ai poulidi la vio dei menòu

da bloq e branches,

mounta laousieres lava da l'aigo,

pista la baoucho,

desreisa la toro

que se eslarjo ilamoun,

entè la terro

counouisio i prufum

d'ista sperchasseouses,

ma la mio man da piatoun

-asisa dai mie an de gariouno-

a pa cerca i asaire

'ntes scarsieres des serp...

...E tu eres aqui,

'dlai les boines 'dla marieso,

'nt un temp que roubo niente,

al mes de pra

dubert e poulit.

'Nt'al garp des toues man

me paraves la se

abou l'aigo frescho,

dal noste beal,

arliquio d'un toc de vido.

La touo careso de paire

calmavo la peno

mai dicho a degun de orfano

daquisti mie derier douse an.