Lu prümier nümre de Ousitanio Vivo es surtì lu mes d'Abril del 1974.

Cumo semeò lüegno achelo dato!

Din l'estorio d'acheste giurnal l'à gron part de l'estorio de l'usitanisme militont, de ses bataies de ses cunchistes, de ses scunficies...di aut e bas de nuostro fuorso e de nuostro capacità d'afruntar i prublemo cultüral, ecunomich e pulitich de nuostres valades.

Lu recuord d'achisti ann fon escure din la memorio na longio ringio de limages de speronso: la giai d'aver contribüì ube lu travai suvent stremà den pau de gent e ube l'empegn de tüci giurn de d'autre, a dunar cuscienso a na part de nuostro gent e ubligiar a recunuisser da s'estitüsiun de l'estat italion de l'esistenso de nuostro lengo e de nuostro cultüro.

Ube i paure mezu e s'paures fuorses ch'avion, aven cercià d'esser vezin e da punc de riferiment din s'bataies de nuostro gent per defender sa tero e sun' ecunumio.

Tonto gent s'es perdüò per la viò, d'autre sun aribà, ma lu travai de tüci a servù a carcaren, paren s'anà perdü.

Tetün les divisiun pésun e sun n'esprech de fuorses mai che mai aüro ütìles, din n'mument 'nte l'usitanisme pol mürir, u far en gros saut en avonti.

Lu giurnal es entren a far en gros sfuors per se render pü enteressont e la novo redasiun, en ucasiun dei sentieme nümre, envito tuci achie che creiun din nuostre travai a nus sustenir e nus agiüar din achelo entensiun.