Lu 24 de San Jwan, a l'aje de 70 an, es mankà « Mademoiselle » Maria Ida Viglino.

Belo se Mademoiselle Viglino, despey dukatr'an avio paüs d'encharje de respunsabilità en Val d'Usto, la sio mort layso en vüyt en te lu Muviment awtunumisto valdustan.

Maria Ida Viglino a pasà na bono part de la sio juvineso en Franso, a Levallois Perret, ensemo a ben de la nosto jent de la Val Varacho, dundo la y-a enkaro ben karkün ke se navizo de n'iye.

Al temp de la gero ero returna a lu siu pais, dundo es ista üno dei persune ke de may 's'es engajà kuntro i fasisto e i tedesk. Apres la gero avio lisà la batayo pulitiko per repyar l'eskolo.

En t'al 1973 ero returna a la pulitiko, dran kumo Kunseier rejunal e pey, per apupres des an, kumo Asesur a l'E skolo .

Lu siu karatre fort e desgurdì a sabü empawzar finaloment la lengo fransezo a l'eskolo, kumo l'estatüt d'awtunumio despey karantan kumandavo.

En t'akiyi des an es ista benvurgüo da i Valdustan e suvent mespresyà dai partì italian, a i sente tan awtunumisto, me, apres tut, tan kuntro la lengo e la kültüro franzeso en Val d'Usto.

Maria Ida Viglino ero na marko per i Valdustan, me dekò per tute y-awte minuranse nasyunale en Italio, es ben per akò ke vulen isì navizalo. Es següroment de persune kumo Madamoiselle Viglino ke urion dekò damanko nuzyawti dedin i noste Valade Usitane!