Lu düy de belie enkumenso a San Peyre lu kurs d'estüdi per paryar le gardye de la natüro en Val Varacho, kumo es previst da la leje rejunalo 32/82. Süs setantowech persune de la Valado ke aviun fach demando ne sun istà asetà na trenteno; y-awte, tütün, pularen dekò anar sente le lesyun e, se karkün de i trento laysarè tumbar l'engajament, akesti, a tenent, pularen intrar,

Es akesto na bono inisyativo ke lu M.A.O. avio pilà en Kumünità de Muntanho, n'inisyativo ke meno la jent de la Valado a gandir diretoment i sie pais.

Aven ginchà lu prugramo de y-estüdi, al nu semeo ben enteresant. Se devizarè: de leje; de i bosk e de i pastüral; de arbu, bestye sarvaje, fyur e bulè; la se mustrarè dekò kumo la se fay a parar lu fwek e a mizinar karkün ke s'es fach mal.

Esperen mek ke, da n'akeste istà, i gardyo-bosk sien püs tan sulet a defende la nosto muntanho!