Vers la meytà de lu mes d'abril 1974 surtio lu premie nümre e titulavo lu siu premie fund «Esce Ousitanio Vivo». Dins aqel mument se dizio FINALMENT SORT LU JURNAL DAL MUVIMENT USITAN, qe venio apres qarqe ann d'enfurmasyun e de travay vers la pupulasyun d'i noste valade bu l'entensyun de tucha-lo a pusa-lo a revira-se quntro la sitwasyun qe veìun e, maluruzoment veun enqà, le Valades Usitanes ren repunuysües da l'Estat italyan qumo zono de minuranso nasyunalo e senso le garansies de salveso qe aqeste vadades e la sio pupulasyun devariun avé. Lu jurnal se prupawzavo aluro, de far avant en premie pyan la qestyun pulitiqo de lu prublemo usitan per chaminar sus la vio de l'awtunumìio, e regretavo de parlar, qumo vous usitano, en bono part en italyan per lu bezunh de fa-se qapir da tüchi, belo d'aqey qe l'usitan l'an sqazi u qumpletamente perdü.

Lu sagrin may gros ent'aqel mument semeyavo ese aqel equnomia. Qumo fazarè a viwre noste jurnal bu son-qe qusto estampa-lu?

Qe se pol dir 10 ann apres? Süs lu prublemo d'i sowt la batayo fin'euro es 'stà ganhà. Qi l'à ganhà sun stà i noste letur, i noste abunà qe ent'aqesti ann l'an sustengü bu la pasyun e l'entüzyasme per le bataye qe lu jurnal purtavo anant e bu la vweyo de far viwre aqesto lur vows qe dran jo may avio purgü bramar.

Maq est'i derie düy an la Rejun Pyemunt bu la ley n. 30/79 «Tutela del patrimonio linguistico e culturale del Piemonte» nus à dunà na man qe en tüchi i qas es restà süs lu 10% de l'espezo.

Per la resto pensen qe lu travay sie 'stà empurtant e a l'unur de sonqe se prupawzavyan. En sfweyant i 91 nümre pasà se trobo na prezenso de Ousitanyo Vivo süs le qestyun may empurtante di noste valades:

-batayo quntro la speqülasyun

-furmasyun a travay d'i Comunità montane

-upuzisyun a de Comprensori Valade-pyanuro qe en finfinalo se sun demustrà en faliment.

-batayo quntro l'esfrüchament di noste valade bu lu dann e senso lu jüst ganh per la jent

-batayo quntro lu baraje di fabriqe ent'i valades

-sustenh a y'enisyatives qurajuzes (subretut d'é juves) din i Valades (Quperative - pichote empreze artijanal, türistiqes ecc...)

-batayo quntro i ataq vers nosto qultüro: Festo dal Pyemunt din noste valades

-sustenh a lu return d'i valijan emigrà.

La listo pulario quntünwà ma es pà la peno de tut dir, na qozo suleto vuleu enqà navizà: jo may aver desmentyà la süferenso d'i awte popul qulunizà e senso drech en vir per lu munt. Sqari chasqe nümre de Ousitanio Vivo enfurmavo süs qarqün d'aqesti popul e de la lur batayo de libertà.

Lu travay per la qultüro e la lengo usitano?

Ousitanio Vivo à fach lu pusibu.

Tut es qultüro, ma se vulen parlà d'aqelo literaryo, Ousitanyo Vivo chasqe nümre à fach parlà na vows d'en pueto di noste valade. A fach lu may de prupagando a les inisyatives d'i Asusyasyun cültürales usitanes e, 'ti derie temp na groso lweo es 'stà per la prupuzisyun de ley al Parlament italyan sua la qultüro e la lengo usitano.

Qumo se regretavo din lu premie nümre, qarqün nus reprocho de pübliqà trop gayre en usitan süs lu jurnal. Es ver. Serchen lu may pusibu de lu far, ma desmentyèn ren la sitwasiyn marìo qe nos vé enqà senso esqolo per mustrà a sqriwre e leze la nosto lengo e qe maluruzoment püs tüchi i noste valijans parlun e tan men san leze l'usitan.

La vuluntà e l'ubyetiw: quntünwà e ameyurà!