Brase de sigarete que de louenh

pertùsen la sournura de la piassa

fià que se mésquien ent'un fià soulet

couma destin ent'un destin soulet,

un charountà de pe sus la mourdanha

enchaninàa dal fret.

Oubrié pendoulaire d'Oucitania,

coura la nuech me làissa pa dourmir

vous vehou coum'acò delài di vedre,

delài d'un turubelh de brissoulìe

sout la jàouna lumiera di lampioun

tuchi 'n réou sensa vouéia de parlà,

cach a spetà que la couriera passe

charjàr aquihi vosti silensì d'Indios,

vosti pourmoun coulounisà dai dusou

d'un mound qu'es pa  lou voste.

Me vosti cor, Oubrié d'Oucitania,

résten eissì sus si lindal peirous

d'aquisti paisot,

eissì a a spetà mai vosti retourn.

Degun, degun poi desreisar i cor.