Che far d'acheste dulur

che pio l'estomi, le renes, le man

la gulo i uei e tut t'estregn

dedin na morso estrano?

Che far de tio vito alienà fin

al fund de tiu cor?

Che dir lu sero curo lu sulei

se cugio

e fin de ti sümi as pou?

Es uro, es uro criun i sant

dedins i pilun,

les madones dedins les vies.

Lu temp a sgrafignà la müraio

di record.

«Ciantun les fonts

edin la nüech niero

Saiun i mort

da i sementieri

Criun i reire

dedins les vüedes misuns».

Les urties se refüsun d'encà creise

per i viol abandunà

En pau de gent escòuto les vòus

«Autunumio, libertà sun püs

de paroles vuedes»

En mund nou se duerp drap de nus.