1983: i Pyemuntezisto urganizun la «Festa del Piemonte» din lu Comprensorio di Cuneo qe pio 45 Qumünes usitanes (C.M. Val Mayro, C.M. Val Grano, C.M. Val Estüro, C.M. Jes-Vermenanha-Pes) e 7 Qurmünes de la pyano pyemuntezo.

N'aven jò parlà e ne parlen püs de lu «bun sens» d'aqey pyemuntezisto qe an vurgü' qumbinà agelo manifestasyun ent'aqesto zono: es següroment la rezülto de na mentalità emperyalisto, aruganto, vyulento e senso respet per la qültüro d'la jent. Es ren lu premie bot din l'estoryo qe lu qaratre qulunyalisto pyemuntes se mustro tal qum'es. Pruvà-vus a parlar di pyemuntes ai Sard q'an agu' la lonjo estoryo de duminasyun pyemuntezo e sentaré so-qe vuz dizun, u pruvà jo meq a sente lu reqort de parqi nosti vyey qe s' navizun dal temp, nhanqo tan dalwenh, qe dín le valades, tanto jent qunuysio gyre ben u ren-dal-tut lu dyalet pyernuntes, e devio supurtà l'aruganso di premie türisto u di marchant de la pyano qe, inhurant e süperbi, empawzavun lu lur parlà qumo se tüchi fugesun ublijà a qunuyse-lu. Belo al jurn d'enqüy sun ben gayre agey qe, venent da la pyano a viwre isyamun din noste valades, pensun q'la syebe jüst emprene l'usitan. Magaro vivun na mezo vito (u entyero) isyamun ma, entursü' qumo i penas di pwerq, s'emprenun pa la lengo dal post, al quntrari, empawzun pitwest la lur.

Turnant a la Festa del Piemonte, es ren tan d'la gramìsyo e d'la mentalità qulunyalisto di urganizayre qe vulen parlà isì, ma vulen remarqà qumo la zono syernüo: lu «Comprensorio di Cuneo» siebe, qumo i awti Qumprensori di noste zone, lu früch d'en partaje qumpletament 'sbalhà e que, en finfinalo, i qumprensori fach parey-agì, sun en malür per noste valades.

La nosto ideyo süs i Qumprensori aven taqà a di-lo ental 1975 (Ousitanio Vivo dal 2-4-75) e la nosto previzyun d'aluro ses verifyà pyan-pyanet: i Qumprensori mesqyà, pyano e muntanho, sun d'ütis per savatà enqà en bot le valades, per 'sfruchale equnumiqament e, subretut, masacrà la lur lengo e cültüro.

Avien mena na batayo quntro aqesto dezboyno facho da la Rejun Pyemunt e n'avien prupawzà n'awto qe barunavo en tres Qunprensori le Qumünità de Muntanho usitanes. La puzisyun di awtunumisto usitan ero 'stà sustengüo da: G. Romolo Bignami - President C.M. Val Esturo; Pier Carlo Longo- president C.M. Val Pelis; Giuseppe Do - president C.M. Val Po; Luigi Falco - president C.M. Val Grano; la Qumüno de U Vernant; lu Sendi de Pras e 'n barun de aministratur di Qumünes usitanes q'avien marqà na petisyun quntro i qumprensori «misti montagna-pianura». Pa ren a far, la Rejun y à fach parey-aqì.

Buqo-pres:

1)    I Qumprensori en tuchi aqesti ann an ren marchà ben;

2)    per deün, subretut per la jent de muntanho, sun jo-may està na

3)  an sempe süfert d'la sqyapewro tra le Qumünità de Muntanho e la zono foro d'aqeste;

4)    lu pes di grose vile: Pinerolo, Saluzzo, Savigliano, Fossano Mondovì ez està sempe trop fort e 'sprupursyunà respet a la zono di Qumünità de Muntanho qe, en fin-finalo, sun de grose tranche di Qumprensori;

5)    I Qumprensori an subretut marqà enqà d' may la quntropuzisyun d'enteres tra le Valades usitanes e la pyano pyemuntezo.

La quntropuzisyun pol ese per l'aygo da byalà qumo per la müziqo pupular u, qumo ent'aqesti temp, per la «Festa del Piemonte» din lu «Comprensorio di Cuneo», ma es qyar e ryunt q'es ren n'armunyuzo qunvivenso. Es pa la peno de fa viwre l'anhel e lu lüu.

Enqà en bot lu prensipi d'entegrasyun fra zones qültüralment difrente fay qe la pü forto e aruganto qulunizo la pü deblo («A proposito di Comprensori» Ousitanio Vivo n. 1 1976).

De byey Qumprensori avé fach! Ay pyemuntezisto qulunyalisto avè dunà en man 'n awte fuet «istituzionale» per früstà le Valades usitanes. Aqesti Qumprensori ez uro de gava-i u de chambya-i. Pulitiq fazè fitu. Fay ren unur a d'gün ajüà a destruje en popul, na lengo, na qültüro.