Na bono novo, per tute le minuranse nasyunale, nus vyen de la Katalunho.

Per lu premie bot, lu 10 de setembre a enkumenaà a mandar i sie prugramo TV3: la novo televizyun katalano!

Per de jent kumo nuzyawti, ke aven sempre remarkà l'empurtanso per y-usitan de aver la mestrizo de la radyu e de la televizyun, la novo pol mek ke renfursanu dedin la nostro kunvinsyun.

Bu tut akò l'esperyenso ke es partio a Barseluno es pa pichoto: TV3 es partio bu lu kumplet akordi, e karki sordi, de la Generalitat, lu Parlament katalan.

Alfons Qunta, lu diretur general de la novo televisyun katalano, a lisà dich a «Le Monde» ke: «Nus vulen na televisyun nasyunalo e en kunkurenso bu akelo de l'Estat espanhol... e la pi malüruzo de i koze la sario akelo de far na televizyun fulkluriko».

Kumo la se vey i van pa per lu sütil i nosti amis katalan, tut es fach en grant: grosi spetakle de chansun, katre nutisyari al jurn (a enkumensar de lu matin a wech ure), teatre, film, sport (en part chatà da vio e en part fach se piaso); me tut es dekò fach en lengo katalano: a kumensar da la pi groso part de la püblisità per fenir ay telefilm amerikan de «Dallas»!

Be lest TV3 vay tuchar, ren mek la Kathalunho «espanholo», me dekò la rejun katalano de Perpinhan, en Franso.

Es ben evident ke n'inisyativo d'akelo empurtanso, ke urè en pes senso miro per la reneysenso katalano, es istà pusiblo: d'en kayre per la forto kunsyenso nasyunalo ke a lu pople katalan e, da l'awte kayre, per la grando awtunumio ke i Katalan se sun ganhà bu lu lur Parlament de la Generalitat. Enkaro n'y-aje l'Espanho, jüst surtio dal fasisme, se mostro püs duberto e demukratiko de l'Italio ke despey 35 an es demukristyano.