Reaud - Vërdeggia - Ciagia - Üpëga - Carnin - Viusèna.

I BRIGASCHI E I UCITAN LI S'ASËMEGLIU.

Oramai e cred ch'ën li nostri paìisi squazi tüti aigu sëntü parlàa de r ucitan, a lengua ch'è parlàa ën la Fransa meridiunale e 'nt paréglie valàe dër Pimunt, cum ën la Val Varaita, la Val
Maira, a Limun, a. Vërnant, etc.

Parés chë fie i nöstri paìisi, e vöglië dìi i masagi da Briga (Reaud, Vërdégia, a Ciagia, Üpga, Carnin, Viusèna), dund in parla r brigasc, li sigu ucian, ciuè ch'ër brigasc sig ën parlàa ucitan.

Tûti i paìisi ucitan li në parlu nu dëmà a pröpia lengua, ma li han apuprès a pröpie üsance e tradisiun, e pröpie danse e cansun.

Ën l' Üpga, l'a già düi ani ch'er més d'agust ër ven di giuvu a sunàa dë ste cansun e dë sti bali ucitan. Düi ani fà li sun vëgnüi da Antibu e li së ciamavu LU BACIAS; r an pasà li eeu dër Burg, I ARTESIN; st'anë Batta li së ciamu ESCHIARZEE e li venu d'ent üna valàa dë Cuni. Dëlong chë li sun vëgnü ër l'y avia dëché dë gente d'ën Viusèna, d'ën la Ciagia e fie d'ën li Figun. Nuiautri Üpëghée e spëram chë sta inisiativa la në s'afërme nu dëmà ën la Üpga, ma chë tut'i nösri paìisi li n'aìdu a mantténu e nostre usanse e a nostra cültüra. Er seria ina bela cùusa chë sta manifestasiun la fus faita cun tüti i paìisi da Briga e chë tüti i paìisi pesu cantàa e séi cansun e balàa e séi dante. Ven dìi chë tante cùuse së sun perse e ch'ër n'y a squazi ciü nësciün chë sapië balàa i bali dë d'anant o chë sapië e cansun ën brigasc chë së cantavu 'n viagë, ma carìa chë tüti së dunèsu da fàa ër sërcarlé ën ciaménd ai ciü vegli.

E më scampërìa së chicün pés fàa savée chic ren ën prupozitë.

R ëmpurtant però l'è chë tüt so ne signu sëmà in'atrativa për li furesti, ma ch'ër sighë sëntü prima dë tüt da nuiautri cum ina cùusa chë në linghë mai che lo ch'é sem adés.

Përtant e sëriàm cunténti chë tüt quili chë poru li vëgnistu a sëntì sti sunaùu ai 10 d'Agust àa séira a 9 ure.
R an pasà I ARTESIN li an sanà e cantà de cansun ch'in viagë le së cantavu fie'n li nöstri paìisi, vò dìi ch'ent chic manéra e sema pröpi ligai ae valae ucitane dër Pimunt e aa Pruvensa, specialment Nisa.

Entant e scriv ina cansun brigasca ch'e purëriàm sunàa e cantàa tüti 'nsèm r anë chë vén e ch'ër n'a cantà, a mi e a ma sòo àa Briga in om de Reaud, Antd, chë l'à in'ustaria.

La së ciama:

RE TREI BRÜNETE

Për la cerée dë ra funtana tréi fantete ër l'y në sta e le së ciamu re brünéte, tüte trèi da mariàa.

E sa mai fa ra bigota e la ne lascia pa 'ndàa a balàa ma për le carée dë Nisa la r i duna ra libërtà.

Le n'ëmportu trei mëndigli, ün ën testa e r'autrë in man a r'autr a ra curéa pe fàa véiru chë lë n'an.

Sama ben lo ch'è ra Briga, oh! ra Briga n'è pà Milan ma la è na granda purcarìa dë ra pumpa chë le fan.

Arvéiru al 10 d'Agust.