La se pulario dir ke finaloment dekò 1u Sendikat al se desveyo süs lu prublemo de i minuranses nasyunales en Italyo.

Karkozo de now, e següroment d'emputant, la s'es pesà lu 18 e 19 de San Jwan a Trieste dedin al Reskuntre, urganizà da la CGIL, süs lu prublemo de i minuranse etnike e lengistike de l'Italyo dal Nord.

Al Reskuntre eren presente: le delegasyun de la CGIL Friulano, Sloveno, Tedesko dal Süd-Tirol e Fransezo da la Val d'Austo; le raprezentanse dal SAVT, lu sendikat Valdustan, de l'ASGB, lu sendikat Südtirules e dal SSS, lu sendikat Sluven de l'eskolo, lu Muviment Awtunumisto Usitan ero prezent bu na sio relasyun e bu n'entervent akurdà bu la Segreterio rejunalo de la CGIL.

Da Rumo, per la Segreterio nasyunalo de la CGIL an partesipà ay trabay Marianetti e Trentin.

Düy jurn de desküsyun ke an pawzà akesto urganizasyun sendikalo drap a en prublemo ben dübert, e en faso a i rapresentant de i sendikat awtunumisto valdustan, Tirules e Sluven, ke an ren mandà a dir soke pensavun dal trabay lukal de i kunfederasyun sendikale. E isì nus chal dir ke; se dedin la Valade Usitane le kunfederasyun sun gayre presente e la kunsyenso nasyunalo usitano gayre forto, per talo ke i raport süs lu prublemo nasyunal usitan polun desbanase pyan pyanet, bu na revendikasyun sendikalo ke sie dekò revendikasyun usitanisto; dedin lu Friul, la Sluvenyo, me, subretut, dedin la Val d'Austo e lu Süd-Tirol ben suvent i raport sun avisk e batayà.

A le Kunfederasyun tucho far i kunt bu de sendikat etnik fort e ben urganizà, ke laysun ren pasar la kulunizasyun, de drecho u de manchino ke i vene.

Se per nuzawti 1u Reskuntre de Trieste a markà na primo traso üfisyalo de trabay da part de la CGIL, traso ke y-es següroment enteresanto e ke pol dunar n'enkurajament e n'eskyarzaa a na bono part de militant sendikal dedin la Valade; per y-awte minuranse, jò rekuneysüe, lu Reskuntre a markà en mument empurtant de desküsyun ke la syervarè següroment a la resercho de na jüsto drayo de trabay sendikal, süs pyaso kumo a Rumo.

Dran de kitar nus semeo enkaa empurtant remarkaa du-katre punch:

1) Es segürament de la pi grando empurtanso ke la CGIL abye pyà de puncho akest prublemo. La kozo nus semeo seryuzo è ren mek viraa a la resercho de ganhar de forso dedin i teritori minuritari. Següroment l'avansament de la CGIL laysarè pa ferme la CISL e la UIL.

2) Ma nus es dekò semyà de kumprene ke la puzisyun sun may avansaa a Rumo respet a i rapresentant sendikal CGIL de i minuranse. Es següroment n'empresyun ke ven foro de may da le vus de kuridur ke day deskurs üfisyal; dariye d'akokì la y-a de raport, al nivel lukal, bu y-urganizasyun minuritarye trop eschudà e gayre eskyarzì.

3) I deskurs ke nus an fach a Trieste pa mal de despütà, lu prufesur Pizzorusso e lu meme Trentin, markun, enkaa en bot, la mankanso de na definisyun esklento e nasyunalo dal prublemo de i sedizente minuranse etnike e lengistike. Enkaa en bot deven remarkaa la vuluntà de niaa lu tut dedin a la «kültüro popularo e rejunalo ». Prublemo akest ke kundisyuno larjament dekò la prupuzisyun de ley kümünisto.

En sarant pulen ren faa a menk de remarkaa kumo, apres d'an e d'an de bataye minuritarye e desperaa, per lu premie bot na grando urganizasyun se dwerb a nus e a-y-awti pople minuritari e senchamino süs la bono drayo. Nus resto ke kuntinwar la batayo e esperaa ke la drayo abye pa trope tampe!