At ses may luwà

Kun lu kor k'al tsanta

sku in kardlin d'aprimma

kura al vol kubyarse?

Kun ji öcch ki kuru

s'l'arkibiu 'd l'utun

sku in asiröl sal siw kastanher?

 

At ses may luwà

kun le korde

dal viulin k'as andins

ankurdà kun la tua dzant,

ankurdà kun lu tiu pais?

 

Ses dzamai anà a kudzarte

kun akal grup

k'al vai nint amunt ne aval

pr'akalla powra tsanna

dal tiu pais

arvarsa pur dunarse tuta?

 

At ses mai kudzà

kun la vöja

'd kwayrar a cawsi

ji canhol pi gros

ki tattu le puse ambinà,

ki mordu ji pipin

e ji canhol pi raskasun?

 

At ses dzamay luwà?

 

Ses dzamay anà a kudzarte?

sku fas a star ket,

a gazülar kun la kua basa,

a nint mustrar le dans?