Embé le parole "pulitico", s'entendun 's tontes teuries de vito e 's tontes manieres de dirigiar siò lu privà che lu püblic.

Se lei ver che tut soche fazen din na giurnà, da la maniere de urganizar nuostre travai a 's relasiun ubé i-autre, respecio na persunalità e bucò n'ideo pulitico, suvent sen cundisiunà e grupà da n'edücasiun e da tut na filuzufio empauzà da tüci cont.

Dron la famio, pei la religiun, pei l'escolo nus encanalun din en sisteme che lei pei achei che i cion gros, achie che cumondun, on tüci i enteres che cuntinüè.

Bucò la pulitico, che l'ero na maniero de pensar e de vioure, la resto decò na maniero de dirigiar e de cumandar.,

Tetün, se blòu lei giüst che l'aise chi dirigio les cauzes pübliches e chi deòu scoutar, tüci cial che aisun 's idees pru chiares se pa propi per dirigiar, eimonc per ciouzir cumo e da chi esser dirigiü.

E acò es ben 'mpurtont perchè veien din lu curs di siede che, secuntre la maniero che es stà menà en pais u n'estat, as aribà ei prugres u a la destrüsiun e a la mizerio.

Prenen mac din nuostres vatades, achie che cumandavun da l'aut e manüvravun la grondo pulitico avion tüci i enteres che l'anes cumo-co, che i pais müresun, che la gent se n'anes...

Les fuorses pü vives, i bras pü bun e creisü din achel ambient pien de cundisiunament, serion stà pü dabel sfruciar din les üzines de la piano; abitüa a la vito düro e gron travaiadur i-orion prodücc senso ren demandar, din les viles.

I pais abandunà e 's teres encültes serion devengüès l'americo di gros capital e di piciot e gros specülatur de la piano suvent ben grupà e emparentà propi 'mbe achie pulitic.

La pulitico de Rumo lei pa la nuostro, cumo lei pa la nuostros achelo de Paris.

La nuostro, deòu esser na pulitico che ten cunte de nuostro cultüro e de nuostro siviltà. Na pulitico sü mezüro de nuostro gent e de nuostro tero, facio da nuzautre e da chi ubé nuzautre viou tüci giurn, a cumensar da la rüà a la cümüno e la vadado.

Pion pion supatense de süs achelo sort de destin che nus ceiò s'la testo, e 'mprenen a esser testes pensontes che vivun l'encüei e lu demon di nuostre pais da prutagunisto.

Papüs sfrücià, ma ome che, ei pas ubé i temp. son sfrüciar e aministrar 's rezorses de lur teres...

...E a a n'achet ome 's la sincanteno, ubé i uei pien de stent, crazà da 's vitases e desmuralizà che nus dirè che a n'el la pulitico i entereso pa: basto ca l'aise 'n tundin de menestro, i respundaren che cumo-co ei perdarè finde la menestro.

 

 

Tunin Besun