Akeste es en mument empurtant per l'Usitanisme per dües bones razun: la premyero es ke syen turno en pyeno batayo eletural, se prezenten a les elesyun per la Pruvinsyo de Kuni, ia de may en may de dzent usitanisto ke fay en travay dedins les kümünes, ke travayo süs li prublemo kunkret de les Valades: la sekundo es ke syen arüba a lu 50n nümre d'Ousitanio Vivo.

Après tütsi akesti an de travay ente en pau de bot te tsamaves se valyò verament la peno d'empegnate en primo persuno, de dunar lu tiu temp, la tyo vüeyo de viure per la kauzo Usitano, ben pulen di ke syen sudisfats de soke syen arüba a krear.

Kuro syen partì abù lu premyer nümre, degün eskazi dedin les Valades sabio soke vulyo dir la parolo «Usitan», avüro i a de may en may de dzent ke se diun e se sentun Usitan. I a n'estsambi ben pü gros d'enfurmasyun da na Valado a l'auto, la dzent enkumensun a aver na difrento vizyun de la valur de la syo lengo, de la syo tero, es pa püs tan kunvinto k'akesto syebe pauro kumo tütsi i avyun tutzurn kuntyà.

Dedin tut'akesto evulüsyun Ousitanio Vivo es està empurtant subretut perkè es servio per dir a tütsi so k'es lu M.A.O e a dunà tutzurn n'enfurmasyun süs les batayes ke la dzent Usitano purtavo anant en primo persuno.

Nuzauti pensen ke les Valades tsambyaren en pau kuro tuto la dzent Usitano urè pyà kusyenso d'i syey drets, kuro tütsi enkumensaren a desküte (e pa pus ruzar) a enteresa-se de lu lur pais (e pa mak de i lur enteresi), de la lur Valado, de tutes les Valades Usitanes.

Ousitanio Vivo, es en gros mument per far kunuyse a la dzent de kauzes.

Nuzauti anaren anant tutzurn may kunvint, e esperen tutzurn myey.

Per festedzar lu noste e voste dzurnal (lu dzurnal es pa mak d'akey ke l'eskrivun, ma dekò d'akey ke lu lezun, ke dan lu lur adzüt perkè püese anar anant) l'aven fats de üets padzines.