Escutà isì mi amis achesto cunto di temp passà e

d'achelo gent che s'acheste tere on lisà tonto siur

e magun. L'es la storio de Pepè e de sa famieto, l'es

la storio de tuto na rüà!

Pepè e Giuano erun marià da carchi an e cumo

Diu vol i meinà mancavun pa; tre saduniet,

Giuanet (lu pü grond) Giacu e Piere.

Giuanet avio gio chità  la cuteto me la bero a sinc

chiape e ie ciario carcarèn püs da ome per se parar

dal freid d'la matinà u d'la nebio baso.

La sero püe curo lu sulei umbravo lu praiot na

bono viesto fiairavo pa!

Ma la muneo en mizun ero pagairel E l' ünico

cauzo l'ero vende so che se puìo.

Cumo co lu mercre sero Pepè ven giü d'la grongio

e preparo sa marciandizo en t'la cavagno.

La matin dal gious banuro Pepè s'enciamino vers

la Vilo per anà far lu marcià.

Püe m'acheie catre soldi gagnà vai subit dal

sartur per se fa far na viesteto de telo de früstano

Parei Giuanet uré papüs freid e se sentarè decò

en piciot ome! Sübit prunto la viesto Giuanet sla

büto en fazont i vers cumo en cadet. La viesteto aluro

ven a ese part d'acheste mineit; el sla büto en

pastüro se la fai freid, en fazont atensiun de pa

s'amurà ai merze (sabè la pegu vai  vio)

cerciont decò de pa cumensargrìgulo me Giacu-Antoni,

se nu che bataie giü per i cumbalot!

A la festo la viesteto ven mac supatà ben ben e

püe turno butà.

Me lu temp la viesto a Giuanet cumenso a ese

picioto, ma en esont pancà ben früsto sla pio Giacu

en cerciont d'aver tute i buche d'achest mund.

E après carchi an tucio a Piere «l'unur» de purtà

la viesteto.

Eiro apres cront'an achelo viesteto tuto stringà

i es dareire la grongio, achelo grongio che i a vist

creisse en pau de meinà (lu derier siu sta mi) e che

eiro venarè a ese pion pion mac püs en ciazal.

E Paiei fin a la fin di si giurn se pasarè d'achì e se

ausarè i öi cumensarè a me cuntar sempre achelo storio, e

aluro saren en düe a aver i öi pien di grime!

 

de ALFREDO PHILIP