Diamengio 22.10.78 per tut lu giurn, dins la Biblioteco de la Cumüno (che ben grasiuzament nu an prestà) s'es tengüo la premiero asembleo de i aderents a lu Sentre Estüdis Inisiativos «Valados Usitanos» (S.E.I.V.U.) apres n'an e carcozo de sa creasiun (legalo).

Lu temp ero bel e a agiüà per na buno partecipasiun de gen venüo da dapè (Vermenagno- ges - Estüro - Grano - Majro - Varacio - Po) ma belo de lüegn (Clüzun - S. Martin - Pelis - Pes Elle - Torino (usitans etmigràs). En carche mument la salo n'a 'gü prù a tenir tüci (60-70 persunes). Acò es buno marco de cumo sempre mai de gent Usitano di nostes valades (subretut giuve) cunuis lu lur prublemo de minuranso etnico nasiunal e pa mec ma sent damanco de s'empegnar per la renaisenso en tutes manieres de lu popul usitan e per l'autunumio.

La buno partecipasiun es vengüo decò, beleu, da l'empurtanso de so che cialìo descüte e desidà:

- Creasiun d'en Sentre Cültüral Usitan a l'Armo (Macra) en Val Majro.

- Verifico e prugramasiun de:

lu trabai de animasiun müzicalo de i «Sunaires Usitans» l'atività editurialo (libres e discs)

l'asiun dins le zones d'emigrasiun (subretut Torino)

la püblicasiun de la revisto de l'Asuciasiun «Valados Usitanos».

la pusibilità de cumensar finaloment, decò dins l'Usitanio d'isai, 'na seriuzo atività teatralo usitano.

Per fenir cialìo es ciarges de respunsabilità dins l'Asuciasiun: Cunsei de Diresiun, Segretari e siu ciambi, Tesurìe, Revizaire di cunte, Diresiun e Redasiun de la revisto, respunsables de lu Sentre Cültüral de l'Armo.

La giurnà a pà mancà de argument de descüsiun e achesto es 'stà vivo, e en carche mument, ciaudo. 'Na cauzo suleto a mancà: Iu temp. Da 9,30 lu matin find'a Iu sera a 7 ures pasà (gavà la m'rendo e na picioto ciaumo) s'es descütà, verifià, prugramà. Carcaren a pa purgü aribar a 'na definisiun chiaro perchiè avio des idees difrentes che serio 'stà gioli n'en descüte per en pau d'mai de temp.

Per ezempe: lu sens e i cuntenü che se vol dunar encüi dins l'Usitanisme (en Franso cumo en Italio) a la pruposto müzicalo, subretut per la novo creasiun.

Se deu e pol fà de novo ciansun mac se, d' mai che Ies paroles, decò Ia muzico (meludlo, armunio, estrüment, gaubi) es verament usitano? u se deu, fà en atendent acò, che se sie muzico novo usitano? Es en gros prublemo che finaloment se pauzo dins tuto l'Usitanio apres na dezeno d'an de vero espluziun de la novo ciansun usitano (che es 'stà scazi sempre ciansun en lengo d'oc ma pa muzicaloment usitano).

Diamengio süs acò-isì cumo süs d'autes arguments se sun dices de cauzes che polun fa meurà.

Uno d' les chestiuns pü mai empurtantes es 'stà la definisiun de i ubietiu, lu trabai, les respunsabilità per lu Sentre Cütltüral Usitan ch'es per naise e l'Armo en Val Majro nté I'Amministrasiun Cumünalo s'es demustà düberto e despunibilo a la nosto pruposto, dunant en chiar e cuncret sustegn a la realizasiun de l'inisiativo ch'es Ia garansìo per en Sentre CülturaI empurtant per l'Armo, la Vai Majro e, vist la sio pusisiun sentralo, per tutes es valades Usitanes (a).

Per tut lu giurn aven agü pa mac la prezenso ma en presius agiüt d'idees, de prupostes e de sulüsiuns di prublemo da l'escribaire Nuto Revelli che, d'mai che l'enteresament ch'a sempre mustà per es nostes valades fai veire n'empegn militant envers i lur gros prublemo.

 

D.d'A.

 

(a) Acheste giurnal e la revisto Valados Usitanos parlaren enti temp ch'aribun pü mai chiarament d'achesta Sentre Cültüral.