Che val encaro la peno de viure

curo tutes le füeies sun ceutes

e sun mac restà i arbu

patanü crü?

Che val encaro ficiar nosti mure

süs la freido tero d'Usitanio

piurar süs nii

curo achesto es nimanc püs travaià?

Draies geches de runsaies

che creisun giurn per giurn mai autes,

tero lisà suleto

senso trifules nè gran nè sei.

E süs i sulier?

Süs i sulier batuires, araire, vultin

püs dubrà.

E dedins les vòutes?

Dedin les vòutes baruetes, sevieres, escagn

e püs, püs degüno vacio.

E dedins les meisuns? Tut tut descianabià

e püs, püs deguno gent.

Aven lisà ceire tut en rüino

e avüro ficen nosti mure

sus la freido tero e piurén.

E tu, maire Usitano nus beiches

e veien che ti uei sun pa enrabià

ma gec de giai:

«As beleu giai che nuzauti piurén?»

«Ai giai, veu che ve sié desliurà

e sai che achestes grimes

che ceiun en mio e vosto tero

purtarén bono semenso, novo vito.

Ines Cavalcanti